DLO VIVAN

BYENVINI - KONTAN VWÈ ZÒT

On sanblé a moun ki anvi tann, konprann é aprann sa Bondyé yé adan lang kréyòl Mari-Galant.

On sanblé a moun ki ka kwè nan Jézi-Kri, é maché nan Lèspri, é obéyi Papa.

On sanblé a moun ki ka lyanné èvè Bondyé pou fè konmisyon a-Y adan péyi an-nou.

Jan 7:37-39: Dènyé jou-la, méyè moman nan fèstival-la, Jézi doubout é kriyé ba foul-moun la, "Nenpòt moun ki swèf, vini jwenn mwen! Nenpòt moun ki kwè adan mwen, vini bwè! Davwa Lékriti, yo ka déklaré, 'Rivyè dlo vivan ké koulé dépi kyè a-y."'  (Lè I palé "dlo vivan", i té ka palé Lèspri-la, kilès Yo té pou ba tout moun ki kwè adan'y. Mé Yo pòkò té bay Lèspri-la, davwa Jézi pòkò té antré nan glwa a-y.)

Matyé 3:11: ...I ké batizé zòt èvè Lèspri-Sen é difé.

Sila ki ni dlo vivan ka sòti adan'y, i sé on moun ki ni lavi adan'y é nenpòt la i yé, sé sa lavi ka chayé. Difé a Bondyé ka brilé tousa ki pa bon adan'y, pou i pirifyé é kapab fè zouvraj a Papa-y

Jan 2:18: Mé on moun ké di, "ou ni lafwa é mwen ni zouvraj". Montré mwen lafwa a-w san zouvraj a-w, é mwen ké montré'w lafwa an-mwen pa zouvraj an-mwen.

Sila ki ni lavi, i sé on limyè davwa lavi pa ni bitasyon adan nwèsè. Dlo vivan ka fè lézòt pwofité kon pyébwa obò rivyè.

Matyé 5:14-16: Zòt sé limyè nan lèmonn. Pa ni mwayen kaché on vil ki asi on mòn. Moun pa ka mété non plis on lanp anba on pannyé, mé plito asi on chandilyé ; konsa i ka kléré ba tout moun nan kaz-la. An menm jan, limyè a-zòt ni pou kléré douvan lézòm ; pou yo vwè bon zouvraj zòt ka fè, é pou yo glorifyé Papa-zòt ki nan syèl.