ANTRÉ ADAN WAYÒM A SYÈL-LA

Jézi ansényé, pou antré adan Wayòm a Syèl-la, moun ni pou woupran nésans. Sa vlé di, yo ni pou désidé pa suiv pwòp lidé a-yo, kilès souvan pri asi yo-menm, mé plito pou viv on lavi nèf èvè Bondyé ka kontwolé.

Souvan Jézi konparé Wayòm a Syèl-la èvè on grenn ki planté adan kyè a moun. Chak moun ni on grenn a wayòm-la andidan yo, mé grenn-lasa ké grandi sèlman si i trapé swen é nouriti ki bon pou'y.

Jézi ka palé sa adan Parabòl a Simè-d'grenn la :

"On planté sòti pou simé grenn i té ni. Kon i té ka dimé sé grenn-la, détwa tonbé anlè tras-la, épi zozyo vini é manjé yo. Détwa tonbé la té ni wòch, koté pa té gyè ni tè. Yo pousé vitman, davwa tè-la pa té fon. Mé lè solèy-la lévé, sé plan-la brilé, épi yo fanné davwa yo pa té ni rasin. Dòt grenn tonbé anmitan pikan, kilès pousé é toufé sé plan-la. Dòt grenn tonbé ankò adan bon tè, koté yo rann on bèl rékòt - san, swasan oben trant fwa plis ki sa ki té simé. Sila ki ni zòrèy pou tann, i ni pou tann." (Matyé 13:3-9)

On dòt koté, Jézi di konsa, pou on i antré adan Wayòm a Bondyé, on moun ni pou divini kon timoun. Sa vlé di asèpté kon bèl kado san two kalkilé, davwa nou fèt anouvo é Bondyé ka vini on Papa pou nou. Nou pa pou enkyèt ayen ankò ; sé yenki kwè adan'Y pou sa nou bizwen, menm mannyè on timoun sav, dépi i bizwen kichòz, papa-y la pou'y.

Sonjé sa, asèpté Jézi-Kri sé pa asèpté on rèlijyon, mé plito désidé antré adan on rèlasyon èvè Bondyé, ki ka grandi fanmi a-Y dépi lontan é jistan I di tini asé.

Tout moun ki antré adan Wayòm a-Y, yo sé frè é sè an-nou. Mé davwa Bondyé sé on Wa, nou ki nou obéyi'Y osi, menm jan timoun ni pou kouté papa-yo.

Jan 3:3 : Jézi réponn li, "Vérité, vérité, Mwen ka di'w, sòf si on moun woupran nésans, i pa kapab vwè wayòm a Bondyé"

Pou antré adan Wayòm a Syèl-la (on nasyon a moun kilès Bondyé ka kontwolé), tini plizyè déklarasyon pou fè :

  1. Konfésé péché a-w pou di on ka rèpanti (chanjé lidé adan vi a-w) davwa ou rèkonnèt ou antò èvè Bondyé
  2. Asèpté Jézi-Kri pou di ou ka rékonnèt I mò an plas a-w pou lavé'w adan san a Gason a Bondyé ki té sakrifyé
  3. Batizé kò a-w adan dlo, pou sinyalé ou montré ofisyèlman Bondyé sé nouvo Mèt a-w
  4. Mandé Lèspri-Sen adan'w pou di Bondyé batizé'y nan Lèspri ki sé dlo vivan.