K

kabéchan (adj.) N : ki ka fè moun réfléchi

kafou (adj.) : ki pa ka vwè ; syn. avèg

kafousité (n.) N : sitiyasyon a moun avèg

kakazwa (n. ; adj.) : on ayen ; ki ensinyifyan

kaklat (n.) : on kalité ravèt blan

kakwè (n.) : 1. on sòsyé - 2. sa moun ka kwè, kwayans

kalinda (n.) : on dansé ki sòti Afrik kilès èsklav té ka pratiké

kalkilasyon (n.) : aksyon a kalkilé asi on biten ; sin. "réflèksyon"

kalmipla (n.) : on gran trankilité

kalojé (v.) N : fèmé an kalòj, anprizonné

kankoun (n.) : pati blan rèd é élastik ki nan bout a zo

kanpé (v.) : rété doubout ; doubout san branné, pa boujé

kaskay (n.) : on manjé fèt èvè farin-mannyòk é siwo-batri

katafal (n. ; adj.) : on gran déga ; sin. katastwòf ; ki katastwòfik

kazak (n.) : on èspès chòsouri

kazèt (n.) N : on ti pyès adan kichòz ki pli gran - 2. lyannaj fondasyonnèl nan chak kò vivan ; sin. "sélil"

kikuit (n.) : on ti zozyo, Calidris minutilla

klendan (adj.) N : ki bèl é ka kléré ; sin. klérant

klendendé (v.) : kléré adiskontinyé

klérèt (n.) N : on koté san pyébwa anmitan granbwa

kòdarèl (n.) : on moun kilès yonn konnèt é ni rèlasyon èvè’y

kolokent (n.) : on fanm ki ka kouché pou lajan ; sin. manawa

kòkma (n.) : gdv. zonbi-folèt

komandasyon (n.) N : on konsèy pou tousuit

konbòch (n.) : on moun èvè kilès ou asosyé ; sin. konplis, akokit

konparézon (adj.) : 1. ki enmé kritiké é jijé ; 2. aksyon a konparé biten yonn èvè lòt

konplésité (n.) N : kalité lè tout biten okonplé é pa bizwen ayen anplis

konpransyon (n.) N : kapasité oben aksyon pou konprann on biten ; sin. konprinèt

kòstobral (adj.) N : ki kòsto é rèd toubònman

koupyonné (v.) N : pran on sizé asi talon, bésé ba

koutchanm (n.) : pari adan kilès, kèlkanswa sa yonn fè tonbé an men a lòt moun, i ka gangné’y

krèy (n.) : on sanblaj zéfé ki lyanné ansanm

kwadjalo (n.) : on gwo dézòd ; sin. bakannal

kwarizon (n.) : 1. on masonn ki fin ; 2. on pan adan on tou-wòch

kwayansyé (adj.) : ki ka kwè two fasilman