MOKO TOBI : LADRÉVOYAD

Dépi lontan, lanné apré lanné, bon é mové lèspri ka batayé lannuit pou dominé Mari-Galant an pawòl kon an aksyon. Lanné-si pannan sézon karenm ka woulé, jenn Tobi, kilès té ka viv lavi adoumanman, k’ay jwenn onnòt dèstinasyon lwen tousa i té konnèt avansa.

Ansanm èvè dé nouvo konpè, gidonné pa on bann zayal (bon lèspri), yo k’ay travèsé lilèt-la pa fon ravin é pa tèt a mòn, asèlfen yo gannyé kont on bann sòsyé kilès ka travay èvè onpil dawal (mové lèspri) hadi kon pa tini.

Dépi labrin-di-swa jis douvanjou, Tobi, Nawòl é Édo ké viv, mò é résisité adan lèspri mistè épi lokans parabòl. Nan moman sonmèy, tout sigré pou révélé nan vérité, tousa zyé pa kapab vwè, ni sa lidé pa kapab konprann.