Sòm 1

¹ I béni, moun-la ki pa ka maché nan konsèy a moun méchan, ni doubout nan chimen a moun péchè, ni sizé nan chèz a moun malpalan;

²  Mé plézi a-y sé nan lwa a YHWH, é anlè lwa a-Y i ka médité lajouné kon lannuit.

³  I ké kon on pyébwa planté obò koulé-dlo, ki ka bay fwi nan sézon a-y, kilès féyaj a-y pé ké fanné ; épi tousa i ka fè ké pwofité.

⁴  Moun méchan pa parèy, mé yo kon pay kilès van ka chayé alé.

⁵  Sé pouki, moun méchan pé ké doubout nan tan jijman, ni moun péchè nan sanblé a moun ki jis.

⁶  Davwa, YHWH konnèt chimen a moun ki jis, mé chimen a moun péchè sé pou péri.