Sòm 3

On sòm a David, apré i té chapé douvan Absalòm, gason a-y.

1  YHWH, gadé tousa lènmi mwen ni! Yo onpil, ka doubout kont mwen,

2  Yo onpil, ka di anlè mwen : “Pa ni délivrans ba’y nan Bondyé.” – Kanpo

3  Mé Ou, YHWH, sé on boukliyé pou mwen, glwa an-mwen é Sila ki ka hosé tèt an-mwen.

4  Mwen hélé YHWH, é I réponn mwen dépi gran  mòn a-Y ki sen.

5  Mwen kouché é mwen dòmi ; mwen ouvè zyé, davwa YHWH soutyenn mwen.

6  Mwen pé ké pè di-mil moun ki mété yo-menm kont mwen tout alantou.

7  Lévé, YHWH ; sové mwen, Bondyé an-mwen! Frapé tout lènmi an-mwen anlè machwè ; kasé dan a sé moun méchan la.

8  Délivrans ka sòti koté YHWH. Bénédisyon a-W pou vini anlè pèp a-W. – Kanpo