Sòm 23

On sòm a David.

1  YHWH sé bèjé an-mwen ; mwen pa manké ayen.

2  I ka fè mwen kouché nan savann zèb vèt, I ka méné mwen ora dlo trankil.

3  I ka rafréchi nanm an-mwen ; I ka méné mwen nan chimen a lajistis akòz non a-Y.

4  Menm lè mwen maché nan ravin a lonbraj lanmò, mwen pa pè ayen ki mal, davwa Ou èvè mwen ; bwa-kòch a-W é baton a-W, yo ka rasiré mwen.

5  Ou paré on tab pou mwen, anfas èvè lénmi an-mwen. Ou ka vidé luil asi tèt an-mwen ; koup an-mwen ka débòdé.

6  Asiré bonté é gras a-W ké dèyè mwen chak jou mwen pou viv, é mwen ké rété nan kaz a YHWH pou toujou.