Sòm 29

On sòm a David.

1  Ba YHWH, zòt ki puisan, ba YHWH glwa é fòs!

2  Ba YHWH laglwa non a-Y mérité ; adoré YHWH nan grandè santifyé.

3  Vwa a YHWH anlè onpil dlo ; Bondyé Laglwa ka woulé loraj ; YHWH anlè onpil gwo dlo.

4  Vwa a YHWH ni puisans ; vwa a YHWH ni majèsté.

5  Vwa a YHWH ka kasé pyé-séda ; wi, YHWH ka fann pyé-séda Liban.

6  I ka fè péyi Liban soté kon tibèf, é mòn Siriyon kon jenn bouva sovaj.

7  Vwa a YHWH ka voyé flanm-difé monté.

8  Vwa a YHWH ka fè dézè tranblé ; YHWH ka fè dézè Kadèch tranblé.

9  Vwa a YHWH ka tòd pyé-chenn, é ka mété granbwa touni ; épi nan tanp a-Y, yo tout ka kriyé, “Glwa!”

10  YHWH sizé asi on twòn anlè délij ; YHWH sizé kon Wa pou toujou.

11  YHWH ka ba pèp a-Y fòs ; YHWH ka béni pèp a-Y èvè lapé.