Mòn Alabrin

Sizé anlè yon pan a mòn

Avan tan siklòn,

Zyé an syèl ho pasé kolòn,

Man ka gadé lizyè-lorizon :

Mi lèspri ja sézi.

Téré nan sèkèy niyaj blan,

Aladriv nan van,

Solèy ka bat pou dényè tan.

Man ka gadé on fouyé-difé,

Mé lidé pa rété.

Rédi anba lòt pan latè

Apré tan chalè,

Kò nan syèl ba pasé bayèn

I ka gadé on nèg ki kouché ;

Mé lapenn ka diré.

Péyi anho koulè annò ;

Alabrin kon brafò,

Lalin ka hal’ pa prèmyé bò.

I ka gadé on nonm ki lévé.

Mi lajwa ja payé.