Témwen 1

1:1 Nan koumansman Papa té yé, Sila ki ka zanfanté tout biten é nan zantray a kilès Zanfan-la yé ; Bouch é Makè a lakréyasyon koté kilès tout biten kalkilé.

1:2 Nan koumansman Gason té yé, Sila sèl Bondyé zanfanté, é pou kilès tout biten zanfanté ; sé Vwa é Plim a lakréyasyon èvè kilès tout biten désiné.

1:3 Nan koumansman Lèspri-Sen té yé, Sila ki adan Zanfan-la, é adan kilès tout biten zanfanté ; sé Souf é Lank a lakréyasyon pa kilès tout biten fasonné.

1:4 Adan non a YHWH, Sila ki koumansman é Lafen, Prèmyé é Dènyé, Rasin é Fwi ; Sila ki Tousatisfè é Touprézan, Sila ki Tou-lanmou é Tousavan, Sila ki Tou-bonté é Toupuisan.

1:5 Pran gad èvè fo papa-la, sé on kyè ka manti, èvè fo krist-la, sé on bouch ka manti, épi èvè fo lèspri-la, sé on men ka manti.

1:6 Épi pa maché dèyè sé fo dyé-la, sé fo bèjé-la, sé fo pwofèt-la, sé fo pawòl-la, é sé sé fo siny-la.

1:7 Tandé plito pawòl a Bondyé YHWH, pa séla ki té vwè zouvraj a-Y davwa yo sé témwen ba’Y, épi séla ki té palé di’Y davwa yo sé pwofèt a-Y.

1:8 Épi suiv tras a-Y èvè séla ki té manjé èvè’Y davwa yo sé zanmi a-Y, épi séla ki té maché èvè’Y davwa yo sé frè a-Y.

1:9 Kouté pou tann sa ki Lalwa, Lasajès, lé-Pwofèt, Lévanjil, Lansènyman, é lé-Zapòt, épi tousa ki té manké nan sé Liv Sen la kilès ka fè yonn.

1:10 Kité pawòl, komandman, èvè pwomès a-Y rété jistan syèl é latè trépasé. Davwa lalwa pé ké aboli, mé i ké akonpli ; épi pawòl a-y ké doubout pou toujou.

1:11 Konsa, mi lokans a sila ki témwen, ba Légliz a Lanyo Bondyé, kilès koulé san a-Y ki ni valè pou rédansyon nan lèmonn.

1:12 Épi mi sa ki témwanyaj, sa menm ki sé gran mèrvèy é lavérité : Pa ni dòt Bondyé ki YHWH, é Jézi-Kri sé Gason a-Y. Sé Li, Yonn é sèl Vérité.

1:13 Davwa Gason-la sé sous é dlo a lakré-yasyon, asèlfen yon jou I divini on lanmè ki laj. Épi Gason-la sé Sila ki grenn é fwi a lavi, asèlfen yon jou I divini on pyébwa ho kon filao. Épi Gason-la sé chimen pou jwenn Papa-la, asèlfen yon jou I divini on kaz ki bèl.

1:14 Épi I kriyé mwen pou sèvi “Chèf ba on pèp”, dapré non manman é papa té ban mwen. Épi dapré dézyèm non pou jou-la mwen fèt-la, I fasonné mwen kon “Kòwbo ka kléré”.

1:15 Tousa sé pou mwen pòté Bon-Nouvèl la ki ka pòté “Divizyon” adan pèp-la, dapré non-fanmi papa té érité, épi tousa sé pou “Tout sen” glorifyé Bondyé, dapré non-fanmi a manman.

1:16 Mi mwen la ka sèvi témwen ba gran lanmou-lasa, kilès antrè Gason é Papa ; on lanmou ki té révélé pou nou asi lakwa Kalvè, on lanmou nou kapab patajé nan Gason a Bondyé-Vivan.

1:17 Alòs, dévwè sa ki mové é enmé sa ki bon. Épi pa kité lanmou a-zòt vini frèt, mé plito kité’y otan cho ki difé nan sézon-frèt.

1:18 Kouté vwa a Sényè Toupuisan é maché anlè tras a YHWH, zòt ki ka chèché lavi étènèl, davwa lanmou a-Y sé on chimen a twa komandman. Mi sé konsa zòt ké viv délivrans a Krist.

1:19 Yonn : Enmé YHWH Bondyé a-w èvè tout kyè a-w, tout nanm a-w, é tout fòs a-w, davwa ou té fèt nan sanblans é imaj a-Y.

1:20 Dé : Enmé vwazen é frè a-w nan lakré-yasyon kon ou enmé kò a-w, davwa vwazen a-w sé réflèksyon é imaj a kò a-w.

1:21 Twa : Enmé zòt yonn-a-lòt menm jan Sényè-la té enmé zòt é té bay kò a-Y pou zòt, davwa zòt sé miwa é imaj a Krist.

1:22 Épi lanmou a YHWH sé dirèksyon pou jwenn Papa, é lanmou a vwazen a-w sé aksyon pou konnèt Gason a-Y, épi lanmou yonn ba lòt sé konminyon pou santi Lèspri a-Y.

1:23 Davwa avan koumansman Papa té yé, koté kilès Pawòl-la sòti ; é atravè Pawòl-la, I kréyé bann syèl é zabitan ki adan.

1:24 Aprésa nan sis jou I fasonné latè é tousa ki ka rété nan hotè, sa ki atè, é sa ki nan fondè a-y.

1:25 Koumansman sé té Pawòl-la atravè kilès tan vini èzgisté ; épi I ké ègzisté apré jou-la lè tan menm ké arété ègzisté ; é konsa Pawòl ké Lafen.

1:26 Alafen Bondyé ké kréyé syèl ki nèf é on latè ki nèf. Épi latè ké pwòp é plen èvè on ras ki sen.

1:27 Sèlman, avan sa fèt, limyè ké anlè fas a grangouf-la, é Lèspri a Bondyé ké planné anlè difé-la é anlè on pèp tout lang é tout nasyon.

1:28 Épi Bondyé ké di : Nwèsè pou sispann! Épi nwèsè ké disparèt. Konsa apré on lannuit ki diré two lontan, ké ni on nouvo maten ki ké diré pou toujou.

1:29 Épi alafen Pawòl ké la, davwa èvè Bondyé Pawòl-la té yé, épi davwa Pawòl-la sé Bondyé, alafen I ké nan Bondyé.

1:30 Épi non a-Y sé Jézi, Sila ki Krist, Sila ki té chwazi, Bondyé-la ki té avan lèmonn té fondé é kilès té révélé pou sové lèmonn Li-menm té kréyé.

1:31 Épi davwa tan a lafen ja ka pwoché, Bondyé YHWH voyé mwen kon témwen jou-la pawòl, vizyon, é rèv a-Y té vini jwenn mwen.

1:32 Zòrèy an-mwen vini ouvè pou mwen tann, zyé an-mwen vini ouvè pou mwen vwè, é zantray an-mwen vini ouvè pou mwen santi.

1:33 Sé pou mwen konprann, konnèt épi kalkilé tout lavérité asi bann fo pwofèt, fo pawòl é fo lèspri ki ka méné désèpsyon, dèstrisyon é dannasyon.