KYÈ FILAO - Thierry B Tagliamento
Lapli lavé mwen,
Solèy suiyé mwen,
Apré moun té sali mwen.
Van dousiné,
Lalin apézé
Pawòl lézòm ka rakonté.
Zéklè vèti yo,
Tonnè souklé yo ;
Sèlman ponnyonn pa kouté yo.
Latè pòté mwen,
Limyè gidé mwen
Magré lézòm té garé mwen.
Chalè anbraré,
Fréchè miyonné :
Davwa yonn-chak konnèt enmé.
On ti grenn vini,
On pyébwa nouri :
Vwè, Lanati sé bon zanmi.
Zanfan-la di nou,
Tout lyannaj an-nou
Sé lanmò si ni pyès lanmou.
Ajouter un commentaire
Commentaires