Pli Bèl Kadri

Dé men an-mwen té ka touché tèt a kò a-yo tou fin,

Branch épi hanch a-yo ki té nan kadans ;

Dé janm an-mwen té ka karésé bout a wòb anfèy,

Anmitan hazyé toufé, ki

Nan lodè a fon kal bato-lasa, mwen voudré libéré kò an-mwen,

Mé ankò sé manman-dlo lasa té madragé mwen. Sé wayòm a silans.

Sanblé anlè mòn, sé matadò-la, sitèlman ho èvè had vèt,

Té ka balansé anlè tanbou van Alizé.

Po a-yo koulè kako, kon ta tout jennfi anba solèy,

Té ka anvoyé on lodè kenbwazan.

Yo té ponnyé mwen nan lèsklavaj ; alè mwen té ka viv yenki pou sèvi yo.

Mwen té prizonnyé é ravajé.

Ève bèl dousè yo té ni andidan vwa,

Yo té ja fè mwen chanjé chimen-kòsyè.

Pyé an-mwen té vlé mawon é jwenn lamenm on kachèt,

Lwen bitasyon-la kilès yo té bati pou mwen.

Sèlman chenn a pasyon té ka maré chapé an-mwen

Anmitan japé ki té ka suiv mwen.

Sé pyé an bwa lasa té ni plis zépon ki mwen,

Davwa andidan pit-lasa mwen té on pyé an tè-gra.

Sé gran fanm-lasa té kapab viré pousé bra kon mil,

Pyé kon pa tini, épi menm on kò pou monté an syèl.

Mé mwen, sito tèt koupé, mwen ké jwenn Bazil,

Pou pa janmé kité on lazil étènèl.

Zyé an-mwen vin konnèt abolisyon a dawa anlè yo

Lè lèspri an-mwen kité drévoyad.

Alabrin-di-swè, modèsti té fè mwen désann nan kabwèt-la

Koté mwen té lonji apré on gran vidé.

Mwen té révé sé madanm gòlèt lasa,

Wòb a-yo koulè penpan é chivé a-yo ka volé nan van.

Andidan mwen té miganné tout sans épi son paradi,

San é lésans a tan ka koulé o Zanti.

Mwen té yenki on kavalyé èvè on chapo-pay, ki

Dé zyé fèmé, té dansé pli bèl adan tout kadri.