Témwen 8

8:1 Sényè, a pa ti red lavi rèd pou lézòm! Sèlman we ni pou kontan sa nou ni èvè zyé plen sajès.

8:2 YHWH pou béni dépi koumanman jistan lafen, davwa I sé on gran Bondyé ; I gran nan lanmou é gras, rich nan bonté é fidélité. Tout glwa é louwanj ba Yonn ki sèl Sovè. Amèn.

8:3 Épi mwen sav sa : mwen pa té bizwen ayen, piskè Ou ban mwen manjé toulé jou mwen viv, épi Ou ban frè é sè ki fidèl.

8:4 Davwa Ou ka di mwen jòdi-la : Mwen pa abandonné’w, ni kité’w tousèl, davwa Pawòl an-Mwen vré, é p’on moun pa ka doubout kont li.

8:5 Chak moun ké vwè Mwen sé Bondyé, lè yo ké aprann gadé tout biten on mannyè ki véritab, èvè on kyè ki ranpli èvè lapé.

8:6 Gadé! Mwen sé Alfa é Oméga, Prèmyé é Dènyé, Yonn-Vivan ki gangné lanmò. Mi sa Sényè-la ka di’w.

8:7 Mété konfyans adan Mwen, é pa enkyèt pou ayen, davwa tan ké enkyè pou li-menm. Vini toupré Mwen jan ou yé, épi viv lavi a-w jan Mwen montré’w.

8:8 Onpil moun ké vini branné’w é tanté raché chouk a-w, mé plan a-yo initil. Davwa, Mwen, asi kilès ou apiyé, Mwen sé Yonn ki endébrannab.

8:9 Yo ké pèd tan afòs tanté fè sa, é yo ké pèd fòs adan tousa, davwa yo san puisans douvan Sila ki Toupuisan, sila ki Kréyatè.

8:10 Astè, palé ba bann frè é sè a-w nan témwanyaj a-w, davwa i vré é konfyan.

8:11 Ou pa pyès méyè ki pli piti moun asi latè, mé mi sa Mwen jwenn adan’w, é adan tout séla ki kon’w : on moun ki pou lévé tèt anlè é pa pou bésé’y douvan sé nonm-lasa ki pa dévo, kilès ka bay manti asi Mwen.

8:12 Pawòl-la ou ka maké, sé vérité anmitan onpil manti, davwa yenki séla ki té konnèt Pawòl an-Mwen ké rékonnèt vérité a sila. Aprann yo viré asi Mwen.

8:13 Di yo, Pawòl an-Mwen vré ; anvré, i sé dlo pwòp pou sila ki kapab satisfè laswèf adan’y. Moun ki garé nan nwèsè, i ka ba yo limyè, é moun ki avèg, i ka ba yo vwè. 

8:14 Séla ki gadé’y é kité’y pli mové ki yo té yé avansa, sé séla kyè a-yo pé ké rèsouvwè Pawòl an-Mwen, davwa konprinèt a-yo ki two ba pa alahotè lidé an-Mwen ki pli ho pasé mòn.

8:15 Sonjé lè Mwen té di’w, ou ké alé nan péyi-lasa, épi a pa la tousèl, mé anlè tout kontinan-la.

8:16 Davwa, mi sé sa Sényè-la ka di : Mwen ké lévé doubout jenn moun kon’w, é yo ké alé anlè kontinan-lasa, épi yo ké méné viré kyè a zanfan nan kyè a Papa, avan Mwen vini é frapé latè, avan pòt a lagras fèmé.

8:17 Palé é di yo konsa : Woté anmitan zòt sa ki pa pwòp, asèlfen jistis a séla ki jis vini révélé.

8:18 Davwa yo ka malpalé zanfan an-Mwen lajouné kon lannuit, akòz zanfan a fanm kolokent-la, pou malonnèté é modisité yo ka fè ajékontinyé. 

8:19 Sila ki ni zòrèy, i ni pou tann mésaj-la, épi sila zyé a-y ka gadé sé pawòl-lasa, i ni pou kouri an Pawòl an-Mwen jan Mwen té bay li.

8:20 Davwa, yo ja ka préché onnòt lévanjil anmitan zòt, é moun ja ka vwè fwi a-y. Ès moun ka kyouyi fig nan pyé-pikan? Awa! Sèlman kimoun ké dénonsé tousa? Kimoun ké alé pou Nou, é palé sa?

8:21 Sèvitè an-Mwen, panga ou-menm séré sé biten-lasa anbistan, davwa Mwen toujou vèti pèp-la, mé yo pa kouté vwa an-Mwen.

8:22 Sila ki ka kouté avètisman-la, i ni pou trapé lagras é lonè dépi Konsèy a YHWH, Bondyé Pli-Ho. Davwa lavi étènèl ka atann li anlè chimen-la.