Sòm 4

Pou chèf-mizisyen. Èvè enstriman a kòd. On sòm a David.

1  Ou tann mwen lè mwen kriyé’W, Bondyé ki jistis an-mwen. Ou apézé mwen lè mwen nan détrès ; fè mwen gras, épi kouté priyè an-mwen.

2  Jis kitan, sé moun-la, zòt ké chanjé glwa an-mwen nan lahont? Jis kitan, zòt ké enmé sa ki manti, épi kouri dèyè tousa ki fo? – Kanpo

3  Mé fo zòt sav, YHWH mété apa pou Li-menm sila ki sen ; YHWH ké tann lè mwen kriyé’Y.

4  Fè kòlè, épi panga péché, médité nan kyè a-zòt anlè kouch a-zòt, épi rété trankil. – Kanpo

5  Ofè bann sakrifis nan jistis, é fè fon asi YHWH.

6  Onpil mou ka di : “Kimoun ké fè nou byen?” YHWH, fè limyè a figi a-W kléré anlè nou.

7  Ou mété lajwa nan kyè an-mwen, plis ki nan sézon grenn-pen é diven a-yo té pwofité.

8  Mwen ké kouché nan lapé, é dòmi ; davwa Ou tousèl, YHWH, ka fè mwen rété nan sékirité.