Sòm 15

On sòm a David.

1 YHWH, kimoun ké rété nan tanp a-W? Kimoun ké viv anlè mòn a-W ki sen?

2  Sé sila ki ka maché drèt, ki ka pratiké lajistis, é ka palé vérité nan fonkyè ;

3  Sila ki pa ka ba moun koutlang, ki pa ka fè vwazen a-y mal, é pa ka fè makanda anlè lézòt.

4  Sé sila ki ni mépri pou moun méchan, mé ki ni rèspé pou moun ka krenn YHWH ; sila ki ka tyenn pawòl a-y menm lè sa kouté chè, é ki pa ka chanjé lidé ;

5  Sila ki ka prété moun pòv san mandé entéré, é pa ka bokanté kado kont moun inosan. Sila ki ka fè tousa, i ké pé janmé branné.