Pou chèf-mizisyen. Anlè harp a uit kòd. Ta David.
1 Moun fou di nan fonkyè : “Pa ni Bondyé”. Yo ni lèspri pouri, yo fè onpil abominasyon, pa ni p'on yonn ka fè byen.
2 YHWH ka gadé lèzom anba dépi syèl, pou vwè si ni kèk moun entélijan, ki ka chèché Bondyé.
3 Yo tout garé chimen, yo tout divini pouri ; pa ni p'on moun ka fè byen, pa menm yonn.
4 Tout sé moun méchan lasa pa ni pyès konnésans? Yo ka dévoré pèp an-mwen kon moun ka manjé pen ; yo pa konnèt kriyé YHWH.
5 Mi, sé la yo ké sézi nan lapè, davwa Bondyé la ansanm èvè moun ki drèt.
6 Zòt mové, ka méprizé lidé a sila ki maléré, mé sonjé Bondyé sé pwotèksyon a-y.
7 A-a! Kité délivrans pou Izrayèl sòti dépi mòn Siyon! Lè YHWH ké viré mété pèp a-y doubout, Jakòb ké kontan, é Izrayèl ké réjwi.
Ajouter un commentaire
Commentaires