Sòm 13

 Pou chèf-mizisyen. On sòm a David.

1  Jis kitan, YHWH, Ou ké toujou obliyé mwen? Jis kitan Ou ké kaché figi a-W ban mwen?

2  Jis kitan mwen ni pou lité adan tèt, é chak jou mwen ké ni lapenn nan fonkyè? Jis kitan lènmi ké ni pou pilé mwen konsa?

3  Gadé é réponn, YHWH, Bondyé an-mwen. Mété limyè nan zyé an-mwen, sinon mwen ké dòmi nan lanmò,

4  Sé pou lènmi an-mwen pa di : “Mwen gangné’y”, sé pou rival an-mwen pa kontan lè mwen bigidi.

5  Mé mwen ké fè fon asi gras a-W ; kyè an-mwen ké réjwi nan délivrans a-W.

6  Mwen ké chanté pou YHWH, davwa I fè mwen onpil byen.