Ta David. On kontanplasyon.
1 I béni, sila ki ni fòt padonné, ki ni péché kouvè.
2 I béni, moun-la YHWH pa akizé fè méchansté, é ki adan lèspri pa ni malonnèté.
3 Lè mwen fè silans, zo an-mwen pèd fòs, afòs mwen plenn tout lajouné.
4 Lajouné kon lannuit men a-W pézé mwen ; mwen té djòk é mwen vini sèk kon dézè. – Kanpo
5 Mwen fè’W konnèt péché an-mwen, mwen pa kaché méchansté mwen fè. Mwen di: “Mwen ké konfésé YHWH fòt mwen fè”, épi Ou woté lahont pou péché an-mwen.
6 Mi pou sa, chak moun ki dévo ké priyé’W toupannan yo pé jwenn Vou ; asiré, lè gwo dlo monté, yo pé ké jwenn li.
7 Kachèt an-mwen sé’W ; Ou ké kyenbé mwen lwen malè ; Ou ké alantou mwen èvè chanté délivrans.
8 Mwen ké ansényé’w é montré’w ki chimen pou maché ; Mwen ké konséyé’w, é zyé an-mwen ké asi’w.
9 Pa fè kon chouval oben milé, ki pa ka konprann, kilès bizwen baté èvè brid é baboukèt, sinon moun pé ké vini toupré’w.
10 Ni onpil chagren pou moun méchan ; mé pou sila ki ni konfyans nan YHWH, ké ni lagras alantou.
11 Réjwi nan YHWH, é fè kyè kontan, zòt ki moun jis ; kriyé nan lajwa, zòt tout ki ni on kyè drèt!
Ajouter un commentaire
Commentaires