Andidan Kyè

Andidan kyè an-mwen sé yenki sab é glas,

Man kon avèg ka bigidi anlè on tras ;

Man pa sav kitan zyé an-nou ké jwenn ankò,

Épi nanm an-mwen ka néyé adan lanmò.

Si lavi té ké voudré trapé men an-mwen,

Pannan lapenn ka fè mwen glisé an chimen,

Lakontantman té ké vlopé mwen kon chalè,

Épi man té ké sizé anmitan limyè.

Lèspérans ka ban mwen bwè on poban lanmou,

On dlo syèl ki pli ra pasé tout bwa-kajou.

I ké penché lèv an-mwen èvè dousè a-y,

Tout kwen a bouch an-mwen ké sèvi lakou ba’y,

Jistan pòt a gozyé an-mwen vini ouvè,

Pou i koulé nan fal an-mwen adan nwèsè.

Sé konsa pwazon tristès ké chapé kouri,

Davwa sé yenki lanmou ki ka rafréchi.