Témwen 2

2:1 Jou 28 òktòb 2008, lè mwen té ni vennkat lanné, mwen té nan chanm an-mwen ka priyé Sényè-la granbonnè maten. An tan-lasa, mwen té ka rété nan vil Lond dépi yenki sis simenn.

2:2 Lè mwen té fini priyé Bondyé, mwen lonji kò an-mwen asi kouch-la. Mi konsa zyé an-mwen ouvè é I montré onpil biten.

2:3 Lè mwen viré sòti nan sé vizyon-la, mwen té bazoudi, sèlman pawòl a Sènyè-la vini jwenn mwen.

2:4 Konsa, I di : Lévé doubout épi maké! Sèlman mwen pa té sav ola pou koumansé. Alòs mwen di’Y : Ola pou mwen koumansé, davwa mwen pa sa kisa pou maké?

2:5 Konsa I réponn : Koumansé témwanyé kijan Mwen sové’w. Aprésa ou ké maké sa Mwen ka montré’w.

2:6 Alòs, mwen ké palé asi mèrvèy I ka fè é di nan vérité I ka sové, davwa sé pawòl-la pa envansyon mé vérité, piské sé nan Li sèl lavérité yé.

2:7 Pawòl an-mwen la kon témwanyaj vivan, asèlfen tout moun sav sé YHWH ki Lavérité.

2:8 Épi menm si grandè a-Y, kilès nou pa konnèt, pli ho pasé sa nou konprann, mi sa nou asiré sav : I té, I sé, é I ké Bondyé dépi koumansman jiska lafen.

2:9 Alòs vini aprann mwen, zòt ki gason a lézòm : Éti nonm-la ki pou fè mwen trapé hont nan Bondyé?

2:10 Mi YHWH, Bondyé Toupuisan, ja rédansyonné mwen pa san a Gason a-Y ba kilès mwen sé on témwen, on disip, é on èsklav jòdi-jou.

2:11 Épi a pa pou glorifyé mwen-menm, mé pou glorifyé Sila ki kriyé mwen sòti nan nwèsè pou antré nan bèl limyè a-Y.

2:12 Davwa onpil moun antré nan Légliz-la pou glorifyé kò a-yo, épi yo ka nonmé yo-menm mèt-a-pawòl, pwofèt, zapòt, é moun nan lonksyon.

2:13 Sèlman kisa mwen yé, sinon on potich tè-gras nan men a Potyé-la? Anvré, mwen sé on èsklav é mwen sé ta Mèt-la ; sèlman mwen pa ka sèvi dé mèt mé sila ki Wa osi, YHWH.

2:14 Sa sé lokans sila ki témwen, kont tout bann fo dyé, fo pwofèt, é fo lèspri. Épi sa sé témwanyaj a tout Lékriti Sen ki sòti nan Papa, Gason é Lèspri.

2:15 Alòs, tèsté tout lèspri pou sav si yo sòti koté Bondyé YHWH, menm pawòl ni nan liv-lasa, davwa Lèspri a Bondyé sé témwanaj a Krist.

2:16 Épi nenpòt pawòl ki déklaré sòti koté YHWH, menm nan bouch a on zanj ka kléré, époutan i pa ka onoré Gason-la nan menm glwa ki Papa-la, ében nonm-la é pawòl a-y pou modi pou tout.

2:17 Tout pawòl é aksyon ni pou pasé anba jijman, é konsa zòt ké sav si nonm-la té on zanmi a Sila ki Yonn é Sèl Bondyé.