Konfésyon Nisé

Mwen ka kwè nan yonsèl Bondyé,

Papa Toupuisan,

Kréyatè a syèl é latè, a tout biten ki vizib é envizib.

Mwen ka kwè nan yonsèl Sényè Jézi-Kri,

sèl Gason a Bondyé,

fèt nan Bondyé avan tout tan,

Bondyé sòti nan Bondyé,

Limyè sòti nan Limyè,

vré Bondyé sòti nan vré Bondyé,

zanfanté, non kréyé,

nan menm lésans ki Papa.

Atravè Li tout biten té fèt.

Pou nou lézòm, é pou nou té sové,

I désann dépi syèl,

I pran chè pa Lèspri-Sen nan Lavyèj-Mari,

é divini on moun.

I té krisifyé pou nou anba Pons-Pilat ;

I soufè lanmò é yo antéré’y.

Twazyèm jou I résisité an akòdans èvè Lékriti.

I monté nan syèl,

é aprézan I sizé asi lanmen dwèt a Papa.

I ké viré nan laglwa

pou jijé moun-vivan é moun-mò.

Wayòm a-Y pé ké janmé fini.

Mwen ka kwè nan Lèspri-Sen

ki Sényè, ki ka bay lavi.

I ka sòti nan Papa é Gason,

é ansanm èvè Papa é Gason, I adoré é glorifyé,

Li ki té palé atravè sé pwofèt-la.

Mwen ka kwè nan yonsèl Légliz sen, katolik é apòstolik.

Mwen ka rèkonnèt yonsèl batèm pou péché padonné.

Mwen ka èspéré rézirèksyon a moun-mò

é lavi nan lèmonn ki pou vini.

Amèn.