Pou chèf-mizisyen. Èvè enstriman a kòd. Anlè harp a uit kòd. On sòm a David.
1 YHWH, pa pini mwen nan kòlè a-W, é pa korijé mwen nan raj a-W.
2 Pran pityé pou mwen, YHWH, davwa mwen san fòs ; YHWH, géri mwen, davwa zo an-mwen ka tranblé.
3 Nanm an-mwen nan traka ; mé, YHWH, jis kitan ankò?
4 Wouviré, YHWH, délivré mwen! A! Sové mwen akòz gras Ou ni.
5 Davwa nan lanmò moun pa ka sonjé’W ; nan tonbo, kimoun ké louwé’W?
6 Mwen las afòs mwen jémi; toulé swè kouch an-mwen ka néyé èvè dlo, kabann an-mwen mouyé afòs pléré.
7 Dé zyé an-mwen ka izé èvè chagren, yo ka fébli akòz tout lènmi mwen ni.
8 Sòti koté mwen, zòt tout ka travay lenjistis ; davwa YHWH kouté mwen pléré!
9 YHWH tann mwen sipliyé, YHWH ké bay sa mwen priyé.
10 Tout lènmi an-mwen, yo ni pou jéné é angwasé ; yo ni pou fè dèyè é trapé hont lamenm.
Ajouter un commentaire
Commentaires