Sòm 8

Pou chèf-mizisyen. Anlè enstriman a moun Gat. Yon sòm a David.

1  YHWH, Bondyé an-nou, gadé jan non a-W sé majèsté anlè tout latè! Ou fè glwa a-W monté pli ho pasé syèl.

2  Dépi louwanj nan bouch a tibébé é ta timoun ka tété, Ou kanpé on bra fò kont tout advèsè a-W, pou fèmé bouch a séla ki lènmi a-W é séla ki nan vanjans.

3  Lè mwen gadé tout syèl a-W, sa dé men a-W fè, lalin é zétwal Ou mété adan’y,

4  Kisa lòm yé pou Ou sonjé’y, é gason a lézòm pou Ou  okipé’y?

5  Davwa Ou fè’y tibren pli ba ki zanj, é ou kouwonné’y nan laglwa é lonè.

6  Ou ba’y pou dominé anlè tousa men a-W fè ; Ou mété tout biten anba pyé a-y :

7  Bann mouton é bèf, é jis bèt anba bwa,

8  Zozyo nan syèl é pwason nan lanmè, tousa ki ka siyonné lanmè.

9  YHWH, Bondyé an-nou, gadé jan non a-W sé majèsté anlè tout latè!